NAFTARËT KËRKOJNË MIRATIMIN SA MË TË SHPEJTË TË LIGJIT TË NAFTËS

124

Kuvendi i Shoqatës së ndërmarrjeve që merren me qarkullimin e naftës, derivateve të naftës, gazrave dhe lubrifikanteve “SHQNGL”, ka mbajtur takim.

Në Kuvendin përmbyllës të Shoqatës për vitin 2021, u shqyrtua vetëm një pikë e rendit të ditës e cila përfshinte raportin e punës 1 vjeçare të Shoqatës për këtë vit.

Gjithashtu, në këtë takim ku ishte prezent edhe Kryesuesi i Kuvendit të Odës Ekonomike të Kosovës, z. Ruzhdi Kurtishaj, u diskutuan edhe prioritetet e Shoqatës së Naftëtarëve për vitin e ardhshëm.

Njëherit, Shoqata e Naftëtarëve shprehet falënderuese ndaj Qeverisë Kurti, specifikisht ndaj Kryeministrit të Republikës së Kosovës z. Albin Kurti dhe Ministres së Industrisë, Ndërmarrësisë dhe Tregtisë znj. Rozeta Hajdari, për Ligjin e Naftës i cili ka kaluar në lexim të parë, me shpresën që ky Ligj do të kalojë sa më shpejtë edhe në leximin e dytë.